حلمت بيك

زي النهاردة

من سنة فاتت

كان أول يوم تجيلي في الحلم

وأشوفك بعيوني

وأشوفك وأنت بتضحك

وأنت بتتكلم

وأنت قاعد

وأنت مبسوط

وأنت كمان بتضايقني

وأنت معايا .. وأنا معاك

وأنت بتبصلي .. وأنا مكسوفة

صحيت

فرحاااااااااانة اوي

زعلااااااااانة اوي

فرحت .. ومش مصدقة اني شوفتك

وزعلت لأن الحلم خلص

كان نفسي يطوّ ل أكتر

وأشوفك وأسمعك أكتر وأكتر

وأشوف ضحكتك أكتر

ونتكلم أكتر

عيني مشبعتش منك

وقلبي كان من الفرحة بيطنطط

ضحكت

وكلمتك علطول

قولتلك حلمت بيك

وضحكت تاني

ونمت

علشان اشوفك تاني

وقولت لمنامي

لما حبيبي يجي .. طوّل أوي

ومتصحنيش

وسيبني ابصله اوي

حتى لو ساكتين

وسيبه قاعد معايا

اصله هو فارس احلامي

واجمل حاجة في ايامي

ومن السنة الي فاتت

كل ما أنام أحلم .. اني احلم بيك

واشوفك .. وابصلك أوي

احيانا كان الحلم بيصالحني .. بيك

وتيجي

ويكون اجمل يوم في الاسبوع

او الشهر

واحيانا الحلم . بيعاند اوي

ويعاقبني

ومتجيش فيه

قسوة .. ممكن

عناد .. ربما

بس

تفضل ذكرى أول يوم احلم بيك

خالدة في قلبي

وكل مشاعري ووجداني

ويكون أجمل ايامي

حبيبتك